2025.3.9-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,559,929 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2025.2.28 《前一篇

回應

給他日記貼紙

給他愛的鼓勵

檢舉

篇名: 2025.3.9
作者: C	日期: 2025.03.09　　天氣: 　心情:

今仔日是三月初九，禮拜日，我佇葛雷多摸非。
昨昏拜六，透早無摸非，緊叫囝仔起床，伊欲考試矣。
駛去陽明國小，家長袂當入去，就佮太太佇附近揣一間早頓店歇睏。

無偌久，一位少年出家師父就大步行去喝一聲：鮮奶茶。
我就在想：出家的目的，到底是為著啥物？
咱莫先用懸標準來看來批評，假使出家做和尚菜姑，共當做一款頭路來看。
佇社會中的定位，佮應該有的社會責任。
所以我就上網來查，關於目前的佛教的團體教育佮發展，才閣比較現實中的現象。
我煞愈看愈想攏無。
人間佛教，應該是會比單純出家修行更加困難的修養。
但是行入人間，幔著袈裟，有佛教的形，煞看無心內所想的精神。
供養三寶佛法僧，但是僧人受供養，應該建立在佛法的實踐上。
就親像三位一體，聖子是聖父聖靈的實踐，僧人嘛是佛、法的實踐體。
佛法毋但顯示在僧人身上，社會中各行各業，嘛攏加減有所反應。

老師有好有歹，醫生有好有歹，法官有好有歹，生理人有好有歹。看佛性濟少爾。
出家師父早課晚課，應該是會離佛法愈近才著。

阿母敲電話予我，叫我暗時買雞卵高轉去，因為是阿兄生日。
拄好我佮太太佇多那之，內底只有六吋。阿爸交代愛八吋較好。
我就行去隔壁生力美食，訂一個八吋的。暗時七點才來提。

中晝囡仔考了，伊講有四題無寫，太太當場火化去。
先轉去食中晝，去一条通，結果貴閣食袂飽。
毋過感覺囡仔心情輕鬆袂少。

暗時太太炒麵食飽，囡仔那食那看冊，硬拖到時間到去提雞卵糕。
阿爸阿母誠歡喜，誠久厝裡無這鬧熱矣。

這禮拜一上班誠懨，拜三較閒，辦袂少代誌，拜五頭殼痛歸日。

標籤:

瀏覽次數:7 人氣指數:7 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：