2024.4.27-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,543,332 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2024.4.20 《前一篇

後一篇》 2024.5.4

回應

給他日記貼紙

給他愛的鼓勵

檢舉

篇名: 2024.4.27
作者: C	日期: 2024.04.27　　天氣: 　心情:

今仔日是四月二七，禮拜六。我佇葛雷多摸非。
最近無閒產品檢驗。無閒甲。
昨昏閣提四大疊囥車頂轉來加班。
五月初三以前愛登錄。
拜二是楊仔生日，我共蔡仔講，伊事先買咖啡，閣我後禮拜做伙做。

4/23拜二是囡仔戶外教學，欲去動物園。
毋過半暝仔囡仔煞發燒，燒甲39度外。
拜二拜三攏無去學校。

頂禮拜六，4/20(六)入厝安床。
彼工早時看好時間是九點到十一點，先共新厝的物件提來，愛先過爐，
提去附近土地公廟拜拜。
因為毋捌去過，煞揣無路停車，就停佇果菜市場鞭仔的立體停車場，才閣行過去。
因為拖較晏，攏跋無桮。
姑不而將先去食物件，過午時了才轉來跋桮。跋有了，才轉來開始。
太太照網路所教，先共過爐過的物件掛好，收音機開予大大聲。
開始燃水予滾，化淨符摻鹽米，對內底一直掖出去。
閣叫我提準備好的銀角仔先囥厝內四角楔咧，賰的就掖佇眠床跤，櫥仔後，
那囥那掖，閣那唸祝福平安大趁錢的話。
囡仔嘛做伙來鬥囥。

了後太太將鹽米掃了，我做伙共膨床包裝橐仔敨開囥好，眠床座撨好勢，就算安床。
全部佇下晡三點前做了。
我就閣囡仔做伙耍伊的火車鐵枝路。
太太開始款物件，暗時伊就開始簡單煮暗頓煠麵。
暗時嘛開始佇新厝內底洗身軀。
太太閣開洗衫機洗衫。
結果無紮齒抿仔...
先共欠缺的記落來。

囡仔暗時講欲上課，叫我做學生，愛寫習作。
伊欲介紹食蟲植物。
彼暝上到較欲十二點...
暗時囡仔講欲家己睏，共我趕轉去大房間。

隔日透早我起來已經欲八點。無去摸非。
我袂記紮工課來做，
透早太太講欲做早頓，用俗麭包卵。我煮咖啡。
規早起攏佇厝裡。可能昨昏晏睏傷悿，囡仔攏愛我陪伊耍。
中晝嘛是煠面攪蔥頭酥醬。

太太下晡悿甲先趴落睏，我閣囡仔先去小北買物件。
轉來的時，太太已經閣煮好海燕窩，囡仔誠歡喜。

體驗兩工一暝的新厝了，考慮著隔日愛上班上課，
下晡款款就欲轉去矣。
暗頓決定去食牛排，去忠孝夜市食牛排。
太太點厚片，我點豬排，囡仔竟然點嫩肩...

轉來車停好了，突然間恍若隔世，看著空闊的所在，真正有重獲自由的感覺。

住大樓無所想的遐歡喜。自細漢住闊闊的透天厝，慣勢會當樓頂樓跤走來走去...

標籤:

瀏覽次數:78 人氣指數:78 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：