2022.1.16-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,543,818 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.1.13 《前一篇

後一篇》 2022.1.18

回應

給他日記貼紙

給他愛的鼓勵

檢舉

篇名: 2022.1.16
作者: C	日期: 2022.01.16　　天氣: 　心情:

今仔日是一月十六，禮拜日。我佇羅伯摸非。
昨暝又閣頭殼痛規暝，加上囡仔佇邊仔歹睏陷眠，那叫那槌，吵規暝，加上外口酒醉仔佇遐喝咻...
規暝攏無啥睏著。
可能是傷悿吧。
昨昏取囡仔去學校參加提早入學的說明會。
為著會赴，我無去摸非，無食早頓，囡仔嘛真早綴我出門，一直等太太準備好。
先斡去711買麵包咖啡，先入去平常食開會的位坐落來
聽猶未一半，囡仔擋袂牢，講欲去放屎。我取伊去便所，放真濟。
放了入去，我去食一枝薰，順紲提一本冊予囡仔，結果伊攏無愛看，一直耍椅仔。
說明會了，真濟人欲報名，我就講無先去翕相。
開車去捷運站幫囡仔翕。囡仔傷矮，愛抱咧才翕會著。誠貴，200元。
轉來，請警衛幫我開鐵門。太太講袂記買郵票，依行去郵局買，等有一下仔。
我予囡仔畫烏枋那耍，
太太問我趕欲買便當？我無想等傷久，因為相片佇伊遐，我愛等伊轉來，才會當鉸。
我原本想欲買對面的鴨肉飯就好。
結果太太轉來，我嘛貼好，太太講做伙去交了就轉去。
我講我去交就好，才無免相等誤食間。
我去報名時，同事才講我無紮戶口謄本袂使報。
結果一早仔雄雄狂狂啥物攏無辦好
心情淡薄歹，囡仔閣號講無愛轉去，伊欲耍玩具。應該是愛睏花。
我和太太半嚇半哄才取伊落樓。
中晝去去時牛排，久無來，毋知變遮貴。
豬排誠軟，但是有羶味。
囡仔悿甲食甲睏去。
叫伊起來食冰淇淋，伊閣精神矣。
下晡到厝了，囡仔毋愛睏，伊直耍，我是傷飽閣悿，頭殼開始痛。
頷頸筋硬硬無爽快。
暗時阿母講歸氣倩我做，閣買一隻除草機鬥薅草，
問阿舅佗一款叫輕省，阿久講明仔日去陸橋跤彼間揀。
昨昏阿爸透早閣去園裡上班，
伊講草仔閣發誠長，
所以我停仔轉去了就閣愛去買除草機閣去載阿爸矣。
彼塊阿兄的地卻變做我愛做的工課，
無通閒矣。

感想：
1.報名這件代誌，我攏交予太太辦，本來以為太太會先共報名物件等等攢好勢，
無想到因為前一日伊規暝無閒畫圖，啥物攏無款，
像這款重要代誌，我嘛愛鬥注意，愛較頂真咧。
2.囡仔實在無適合提遭入小學，因為伊猶傷細漢。
捌濟無影摮，愛做會到才是。咱大人嘛仝款。
3.園仔的代誌，原本我就是想講家己做，所以向時才會網路訂著彼枝中國貨閣退訂
早就愛加給買，就算講阿兄買彼枝歹用的了，我嘛愛隨綴阿舅閣買一隻
4.昨昏袂睏，太太問我是毋是啥務代誌壓力遐大
我應講因為後禮拜兩款產品愛安排活動，閣有過年前愛揀出兩三件準備參加比賽。

其實是最近代誌毋知是濟，抑是愛做的我猶未。
所以無啥疊實。又閣無人會當講，
拜五趕欲取囡仔出門，我閣袂記紮手機仔，誠害
我的習慣愛有，凡是沓沓仔來。想清楚，記起來，隨去做才著。

標籤:

瀏覽次數:160 人氣指數:520 累積鼓勵:18

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：