2022第一週-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,543,818 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.01.02 《前一篇

後一篇》 2022.1.08

回應

給他日記貼紙

給他愛的鼓勵

檢舉

篇名: 2022第一週
作者: C	日期: 2022.01.03　　天氣: 　心情:

2022第一个禮拜是產品檢驗週:
1/3(一)排驗型號：A1，B1,A3
早起A1因為頂禮拜無做，所以愛緩到後禮拜，
另外別項檢驗的B6,B7,後禮拜大修，原本準像往過攏是排第二日，結果因為倚年提早到第一日。
所以今仔日先試排，後禮拜一小驗，後禮拜四大驗。
楊大仔叫我改薰，我今仔日透早食四枝了，就攏無閣食。
中晝食素食，下晡無載學姊，伊中晝就先去別位活動。

1/4(二)排驗型號：A4,A6,A5
透早開會，通知主持改提早到明仔早。
我昨昏才發覺到檢驗單有重耽，A型閣B行攏有，誠費氣。
逐擺攏愛先共提醒。
閣較害是B1的紀錄，規疊攏無更新。
下晡A5彼份，第12台猶原咧故障，後過仔出貨伊定予人嫌。
顛倒是A6彼个，因為檢驗耽重設定，煞走精去。我毋知會予人投未？
拜二攏較悿，轉去了，囡仔一直看電視，我先洗伊的便當。
食飯了，閣去收衫摺好。無日本歌，阿爸就予伊看卡通。
伊禁規禮拜矣，
結果太太下班了，講愛去還冊，我本來想無愛去，欲準備主持搞
太太講15本伊摜未來，所以就綴伊去，佇圖書館遐囡仔閣想欲看冊，
我嘛是但是心攏煞浮浮，會緊張明仔日的工課
真無簡單轉來了，阿爸叫我入去，問手機仔的代誌
伊講看著一个影片，欲分享，煞無知欲按怎用。
我一開始嘛揣無，結果用真久，只好重位youtube揣，
是關於巴黎煙火的影片。
上樓了，因為誠晏，所以想欲予囡仔徛咧洗身軀。
囡仔愛睏花，一直號。伊毋敢沖水，
結過太太那想那問伊：看欲跔趴咧跤，抑是倒咧跤頂懸，
伊攏無愛，最後予伊坐椅仔洗，就親像剃頭店仝款。
我嘛學一步矣。
1.對囡仔歹無效，問題是佗位愛先知，先揣出問題。
2.有時陣咱攏會用加己的想法去看別人的代誌，按呢無路用。
3.愛揣出有效的方法。干焦歹性地是無法度解決。
暗時利用放屎洗身軀時陣，將稿寫好，只是誠歹背。
因為真忝，但是壓力閣睏袂去，所以等陪囡仔睏去了，才閣起來練習。
我會曉寫，但是真含慢講，太太起來叫我先睏，明仔早才精神會好，看小抄嘛無要緊。

1/5(三)暫停排驗：預訂排除清倉項目。
透早出門，先載阿爸去買報紙。
了後雖然誠緊張，嘛是佇車頂一直大聲練習。
八點一開始，先予別个單位頒獎，
我上台了，盡量慢慢仔講予大聲，放予自然，
但是嘛是烏白鬥。了後交予陳董頒獎，
陳董顛倒叫我頒獎。
抽著十位了，存的另外會後公布。
我落台了，隨走出去彩巴摸非。
早頓食一半，公司line 叫我鬥分點心。
我就随閣轉去。
中晝學姐叫我載伊去坐車。
下晡一點欲教cpr。

1/6(四)排驗型號：B3,B4,B2,
1/7(五)排驗型號：B5,B6,B7,A2,A7

標籤:

瀏覽次數:181 人氣指數:361 累積鼓勵:9

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：